रसुवाको टिमुरेस्थित भन्सार कार्यालयमा हाजिर भएको एक महिना पनि नपुग्दै भोटेकोशीमा आएको बाढीपछि बेपत्ता भएका भन्सार अधिकृत नकुल शर्मा मृत अवस्थामा फेला परेका छन्।
बिज्ञापन
बाढीपछि सम्पर्कविहीन बनेका शर्माको शव त्रिशूली नदीको किनारमा गोरखातर्फ फेला परेको जिल्ला प्रहरी कार्यालय गोरखाका डीएसपी राजकुमार श्रेष्ठले जानकारी दिए।शर्मा करिब एक महिनाअघि मात्रै टिमुरेस्थित भन्सार कार्यालयमा हाजिर भएका थिए। भोटेकोशीमा आएको बाढीपछि उनी सम्पर्कविहीन भएका थिए।
बिज्ञापन
हुम्लाको ताजाकोट गाउँपालिका–२ का स्थानीय शर्माको शव फेला परेपछि आवश्यक कानुनी प्रक्रिया पूरा गरी पोस्टमार्टम गरिएको थियो। पोस्टमार्टमपछि परिवारले उनको शव बुझेका छन्।
भोटेकोशीमा आएको बाढीपछि त्रिशूली नदी हुँदै बगेर आएका शवमध्ये गोरखातर्फ पर्ने नदी तटीय क्षेत्रमा मात्रै अहिलेसम्म ६५ जनाको शव फेला परिसकेको प्रहरीले जनाएको छ।
बाढीपछि हराइरहेका व्यक्तिको खोजी तथा नदी तटीय क्षेत्रमा शव पहिचान गर्ने क्रम जारी छ।
